Emaitzak

Leheneste fasearen emaitzak

Bidali eragozpenak

Ekarpenak uztailaren 4tik 25era

Ez da eragozpenik jaso

54 proposamenek egin dute aurrera leheneste fasean. Iraila bitartean proposamen horien bideragarritasuna aztertuko du Udalak.

Kioskoa, plaza eta frontoi ingurua konpondu eta eraberritu. Zoruko irregulartasunak konpondu, berdeguneak konpondu, kioskoa eta alturan dauden espazioak (jardinak) kentzea aztertu. Gernikako zuhaitza mantendu, espazio irekiago bat sortzeko.
Azoka eraberritu: argiteria hobetu, irisgarritasuna hobetu, hotza ekiditeko zabaldu eta ixten diren ateak jarri...
Negurako egonlekuak egokitu. Neguan kalean egoteko lekuak egokitu, adibidez, bankuei aterpetxoa jarrita.
Komun publiko finkoa ipini ur-txorroten parkearen ondoan.

Santa Ana aretoan taldeentzat lokala. Ekintzak antolatzen dituzten taldeentzako biltegia egokitu.
Eltzian musika grabatzeko aretoa egokitu, entsegu lokalen ondoan.

Olakuako estankea biziberritu.
Graffitiak edo muralak herriko hainbat gunetan egiteko lehiaketak antolatzea. Adibidez, Kasablankako bidegorriko tunelean.

Bidaurretako iturriko txorrota konpondu.
Kanpantxoko iturria berriztu eta atzealdea babestu, hondakinik ez iristeko bertara.
Bankuak, barandillak eta zorua garbitu eta margotu Olakuan (16-17-18 inguruan).
Zaborrontziak aldatu eta gehiago jarri. Burdinezko zaborrontzien ordez San Martinen dauden egurrezkoen antzekoak ipini. Horrez gain, zaborrontzi berriak ipini Usakon, Usakora bidean, plazan, txutxe-denda inguruetan, Korreos-eko parkean, plazako iturri ondoan, frontoi ondoan, Zubillagara bidean, Ongi kanpoan...

Herrigune historikoaren bilakaera aztertu (zerbitzuak, negozioak, belaunaldi aldaketa, degradazio urbanistikoa...) eta ekintza plana garatu.

Kale Zaharreko espaloiak eraberritu eta zabaldu, irisgarritasuna bermatzeko (gurpildunentzako oztopoak kendu, bankuak ipini, oinezko bihurtzea aztertu... Faseka egin daiteke.
Arantzazuko Ama kale osoan irisgarritasuna hobetu.
Arboleda irisgarriago egin: oinezkoen ibilbidea berdindu, oztopoak kendu eta bankuak berritu.
San Lorentzoko goiko partea irisgarriago egin: espaloiak, zebra-bideak...
Azkoagain barneko irisgarritasuna hobetu. Gurpildun aulki eta haur-kotxeekin bertara iristeko eta ibiltzeko moduan eraberritu. Komunera joateko aukera ahalbidetu.
Natur Eskolara doan zubiko hesian sarea ipini, hesiak zulo handiak dituelako.
Barandillak jarri anbulategi inguruan, Zubikoa frontoian (harmailetara igotzeko), San Martinen…
Eskailera elektrikoak zaharren egoitzara. Erresidentziara igotzeko modua erraztu (eskailera bidez, zinta bidez...) irisgarritasuna hobetzeko.

Portalekua gunean oinezkoen pasabidea babestu, errepidea gurutzatzea seguruagoa izan dadin.
Udaltzaingoko eta anbulategiko biribilguneen arteko gunea peatonalizatzea edo segurtasun barrerak ipini.
Moiua kalearen irisgarritasuna hobetu Telefonikatik musika eskolara artean: espaloiak, abiadura moteltzeko elementuak.
Kalegoienatik Jaumendiko bidegurutzera arteko bidean oinezkoen irisgarritasuna bermatu, Lezesarri auzoak aurkezturiko proiektuaren arabera.
Bidegorria eta oinezko bideak bereiztu piboteekin. Adibidez, Ugarkalde eta Bidaurreta artean, oinezkoak bizikleten eremura pasatzen direlako.
Errepidean dauden bidegorriak bereizi. Bizikletek eta autoek partekatzen dituzten bideetan bidegorri berriak egin.
Bizikletak garbitzeko Bidebarrietako gunea hobetu. Giltzaz itxitako kaxa batean egotea mangera eta grifoa. Mangera berriak ipini: presio gutxi dute, denbora gutxi irauten du urak...
Auzuneetan bizikletak uzteko tokiak egokitzea, adibidez, Ugarkaldeko 15-16 atarien aurrean. Leku asko dago, eta ez luke pasorik oztopatuko.
Parking publikoetan ibilgailu elektrikoentzako karga-puntuak.
Urrexolako bidean hesiak ipini, seguruagoa izateko.
Autoen abiadura murrizteko oztopoak ipini Eltzia eta Garaiko etxeen arteko bidean, zebra-bideak gurutzatzea segurua izan dadin.

Auzoarteko bidezidorrak garbitzea /berreskuratzea (1). Existitzen diren bidezidorrak eta bide-zortasuna dutenak berriro zabaltzea. Adibidez, Murgia auzoko Umerez baserritik Olabarrieta auzoko tellerixara doana.
Auzoarteko bidezidorrak garbitzea / berreskuratzea (2). Jadinazpitik Usakora doan auzo-bidea konpontzea.
Auzoarteko bidezidorrak garbitzea / berreskuratzea (3). Garagaltzako kaltzadatik abiatuz, Kurpide gaineko iturritxoan hasten den eta Soraluze hotelera doan ibilbidea errekuperatu.

Iturrigorriko zelaiak berreskuratu eta zaindu. Familian egun-pasa joateko egokitu.

Ikastola ondoko parkean iturria eta aterpea egokitu eta Santa Anako belardian jarlekuak ipini.
8-14 urte bitarteko haurrentzat parke erakargarriak.
Jolas elementuak gerizpetan. Ugarkalden ziburu pare bat gerizpetan jartzea, ur-txorroen parkearen beste aldeko zelai luzexkan.
San Martin auzoko Baratzeko Pikua parkea konpondu.

Olate eta Araotz arteko beheko kanala hobetu oinez, bizikletaz edo korrika doazenentzat.
Kirolgune bat estali (Olakuan, Olaiturrin, Korreos atzean edo San Martinen izan daiteke).
Herrigunean frontoi txiki batzuk egokitu, plazakoarekin batzuetan ez delako nahikoa.
Kalistenia parkea (jarduera fisikoa egiteko barrak) San Martingo zuhaiztian edo Ugarkalde inguruan.
San Martinen ur-txorroen parke bat joko helduagoekin.

Piktogramak (zeinu grafikoak) jarri udal zerbitzuetan, bide-seinaletan, denda batzuetan…

Zaharren Egoitza inguruak txukundu. Baratze parkearen artean dagoen gunea aztertu eta berdegune batzuk edo gune lasai bat egokitu, zaharrekin edo haurrekin bertara joateko.

Aireko manganeso maila neurtu Cegasa inguruan, enpresak dituen manganeso emisioak zenbatekoak diren ikusteko eta ingurumen eta osasun kalterik eragiten duen aztertzeko.
Txakur gorotzak jasotzeko bizpahiru kanpaina egin urtean.