Oñatiko Emakumion Etxiaren parte-hartze prozesua egitasmoaren eraikuntza kolektiborako ariketa bat da. Udala, herritarrak eta herriko eragile eta talde feministen arteko dialogoa oinarri, proiektua bere oinarritik eta izan asmo duenetik pentsatu, eztabaidatu eta adosteko ariketa bat.
Prozesuaren baitan, etxearen antolaketaz eta baliabideez pentsatzen dabil Gobernanten taldea; nola antolatuko den, arautegirik beharko duen... eta, zentzu horretan, datorren urtarrilaren 31rako herriko eragile guztiei irekita egongo den formazio pilula bat proposatu dute: "Talde-antolaketa horizonala: Soziokrazia eta beste eredu batzuk". Hitzaldi formatuan, hurbilketa teorikoa egingo da egun horretan. Otsailak 1, larunbat goizez, aldiz, prozesuan parte hartzen ari garenontzat tailer praktikoa egingo dugu, emakume etxeari aplikatuta.
Oñatiko udala