Zerbitzuen kontratazioa eta lankidetza hitzarmena aztergai izango dira gaurko Tokiko Gobernu Batzarrean

  Udala eta Badihardugu elkartearen arteko lankidetza aspalditik dator. Horren harira sosrtu ziren Ingo Xonau!, Oñatiera ikasgelan edota Oñatiko ahotsak proiektuak. Hauei jarraipena eman eta koordinazioan aritzeko hitzarmena berritu eta dirulaguntza onartzea proposatuko da arratsaldeko bileran. Udaleko turismo departamentuak web ataria badu baina eguneratu eta eten gabe garatzea komeni da eta hori egingo duen enpresa kontratatzea ere eskatuko zaie gobernu taldeko kideen gaurko batzarrean. Azkoagaingo argiteria ere hizpide izango da arratsaldean. Futbol zelaian LED argiteria instalatuko da eta fokuen hornidura eta jartze lanak bilduko dituen lizitazio prozesua abian jartzeko oinarriak onartzea eskatuko da. 

  Azken orduko beste gairik aurkeztu ezean, 17:00etan hasiko den asteko gobernu bilera, minutu gutxiren bueltan amaitzea aurreikusten da.

Iturria: Oñati Irratia