Herriko 10 odol-emailek elkartearen esker ona jasoko dute ostiralean

  Odola hainbat aldiz eman dutenei eskainitako eskertze eta aitortza ekitaldia egingo da ostiralean Enpresagintza Fakultatean, azaroko odol-ateraldietarako hitzordua probestuz. Oñatiko 10 lagun eskerrak emango zaizkie.

  Odola zenbat aldiz eman denaren arabera, zilar, urre eta Emaile Nagusien agiriak banatuko dira. Oñatin, guztira, 10 odol-emaile omenduko dira, odola 25 aldiz, 40, 50, 60, 75 edo 100 aldiz eman dutelako. Fideltasun eta eskuzabaltasunari esker ona adieraziko zaie ostiralean, 18:00etan, Enpresagintza fakultatean.

  Odola aldian behin ematen jarraitzea garrantzitsua da, beharra, egunero dagoelako. Egunean 400nen bat emate behar dira odol erreserbak maila egokian mantentzeko. Odol emaileen taldea berritzea, gaztetzea ere komeni da. ostiralean bertan izango da odola emateko aukera gurean, aurrez, hitzordua eskatuta. Udaz geroztik berritasunak daude hitzordua hartzeko aukeran, ateraldi data baino hiru egun lehenagotik www.gotatanta.eus web orrian sartuta eskatu baitaiteke. Bide hau ateraldiaren aurreko astearte, asteazken eta ostegunetan aktibatzen da Oñatiko emaileentzat. Egunean bertan, bestalde, telefonoz eskatu behar da hitzordua, 943 007 884 zenbakira deituta.

Iturria: Oñati Irratia