"Irisgarritasunaren ibilbideak" egitasmoan parte hartzeko deia

Irisgarritasunaren ibilbideen helburua da, Oñatin irisgarritasun arloan egon daitezkeen gabeziak edo hobetu daitezkeenak jaso eta udaletxeari hobetzeko proposamena helaraztea.

Astelehenekoa 2. Irisgarritasun ibilbidea izango da. Iazko udazkenean erdigunea eta kanposantu ingurua aztertu ondoren, oraingoan, San Lorentzo, Olakua eta Kale Zaharra (Lizaur kaletik behera) izango dituzte aztergai.

2. Irisgarritasun ibilbidea, otsailaren 24an izango da, 10:30etik 12:00etara. 

Hitzordua Foruen Enparantzan izango da eta Pertsona Nagusien Mahaiko kideek, herritar guztiak gonbidatu nahi dituzte, denon erantzukizuna baita Oñati herri irisgarria izatea.