Iñaki Palaciosen Argizaiola lana

Sarrera erosi

“ Tradizioa Belaunaldiz belaunaldi, iragana eta oraina ehuntzen duen lotura ukaezina da. Honen erro sakonak, ohiturak, ospakizunak edota errituak gauzatzera eraman gaitu. Gaur egun daramagun bizitza zoro honetan, tradizioa, bidea argiztatzen digun itsas argia da. Ondare kulturala eta etorkizuna bat eginez”

Argizaiola, Iñaki Palacios Txistulariaren laugarren diskoa izango da. Udazkenean argitaratuko da Baga-Biga diskoetxearekin. Zortzi abesti izango ditu, Oiartzungo Mecca Estudioetan grabatu da 2024ko urtarrilean, eta Iñaki berak ekoizpen elektronikoak egin ditu bere estudioan.
Lan berri honen inflexio puntua gure arbasoen ohiturei eta doinuei kultua egitea da jomuga. Soinu tribal fin eta aitzinako horiek oinarritzat hartuz doinu berrien bidez omenduko ditugu haiengandik jasotako heriotzaren eta iraganaren gurtzaren inguruko errituak.

Sarrera arrunta: 7 euro
Musikagunak bonua: 22 euro (lau emanaldietarako bonua)