Askatasun doinua, ipuin kontaketa eta tailerra

Ipuinak Gaza eta Zisjordaniaren bizipenak kontatzen dizkigu eta palestinar herriaren aurkako genozidioa azaltzen du haur ikuspegitik.

"Hezkuntza komunitatea osatzen dugun irakasle eta familiok kezka handiz bizi dugu egoera latz hau eta aurreko ikasturtean “Palestinar haurrak gureak ere badira” kanpaina abiatu genuen. Testuinguru honetan, irakasle eta guraso bezala, haurren ikuspegitik Palestinak bizi duen egoera haurrei azaltzeko beharra sentitu nuen eta gaiari buruzko ipuina sortzea erabaki nuen. Bide batez, Euskal Herriko haurrak egoera bidegabe honen aurrean ez direla ezaxola aldarrikatu nahi dugu eta haurrek paper aktiboa hartzea ahalbidetu." (Mitxel Elortza)

"Askatasun doinua" ipuinak Gaza eta Zisjordaniaren bizipenak kontatzen dizkigu. Ipuinak palestinar herriaren aurkako genozidioa azaltzen du haur ikuspegitik. Musikaren bidez, haien ezinegona eta sufrimendua adieraziko dute protagonistek. Askatasun doinuaz, haurrek enpatia, kulturartekotasuna eta elkartasuna balioan jartzea du helburu ipuinak. Musika eta artea askatasun adierazpen gisa aldarrikatzen ditu ipuinak, haurrak erdigunean jarriz.

Izena emateko abenduaren 2tik aurrera (liburutegia@onati.eus / Tel.943716111/ WSP 688732826)

LH1etik gorako haurrentzat.