Exposición "Harremanak X"

EkinBat! hainbat erakundek sustatutako proiektua da, Gipuzkoan bizi diren eta desabantailan dauden gazteen gizarteratzea eta enplegagarritasuna erraztea du helburu. Horretarako, gizartean, komunitatean eta kulturan parte-hartzea sustatzen duten testuinguruak sortu eta emantzipazioa errazteko tresnak zabaltzen ditugu.

Horren barne proiektuetako bat da GazteEkinbat!; pedagogia feministen bitartez, Gipuzkoako Hasierako Lanbide Heziketa (HLH) publikoko zentroetako gazteen parte-hartze soziopolitikoa sustatzeaz gain, sinergiak sortuko ditugu tokiko ekosistemen eta zentroen artean. (sorginlore.eus)

Oñatin harremanen inguruko lana egin dute Larraña institutuko hainbat ikaslek. Orain 50 urteko gazteak eta gaur egungoak nola harremantzen diren aztertu dute eta ondorioak ikusgai jarriko dituzte ostegunean udaletxeko arkupetan.

Martxoak 6, udaletxe azpian, goizeko 9:30-13:00ra izango da erakusketa.