“Hirukide” Euskadiko Kide Ugariko Familien Federazioaren aurkezpen hitzaldia

Hirukidek Oñatiko eta udalerri mugakideetako familia ugariei dei egiten die, elkartearen lanaren berri emateko eta haien beharrak ezagutzeko

 Martxoaren 5ean, osteguna, Euskadiko Kide Ugariko Familien Federazioa, Hirukide, Oñatin izango da, herri horretako kide ugariko familiei elkartearen zerbitzuen eta jardueren berri emateko. Hitzordua 18:00etan izango da, Kultur Etxean. Familia ugari guztiak edota laster familia ugari izango direnak daude gonbidatuta.

Aukera paregabea da aurkezpena, federazioaren zerbitzuak eta jarduerak ezagutzeko ez ezik, kolektiboak dituen laguntza eta hobari publikoei buruzko informazio zehatza jasotzeko, bai eta familiek beren iradokizunak eta erreklamazioak helaraz diezazkiguten ere.