Bisitak

Galdera horiekin bueltaka, azaroaren 4an eta 18an Gipuzkoako emakumeen etxe ezberdinak ezagutzeko bidaiak egin genituen Oñatitik. 20 pertsona inguru bildu ginen bidaia bakoitzean, eta Zumaia, Azpeitia, Donostia eta Hernaniko emakumeen etxeak ezagutu genituen.

Euren artean oso desberdinak diren etxeak ezagutu ditugu eta horrek erakutsi digu Oñatiko emakumeen Etxeak hamaika aukera ematen dizkigula. Nola funtzionatuko duen, zein espazio izango dituen, zein baliabide eskainiko dituen…

Azpeitiko Emakumeen Txokoa

Zumaiako Emakumeon* Etxea

Hernaniko Kulturarteko Plaza Feminista

Donostiako Emakumeen Etxea

BIDEOAK:

Ikusitakoa eta ikasitakoa partekatzeko beharrarekin irten ginen bisitetatik, eta horretarako lan saio bat prestatu dugu Udalaren eta bisitetan parte hartu duten emakumeen arteko lankidetzan:

• Urtarrilak 21, larunbata
• 11:00-11:30
• Eltziako 3. solairua

Emakumeen etxeen gaineko kokapen orokorra eskaini eta bisita bakoitzean ikusitakoak eta entzundakoak partekatuko dira saio horretan.

Eskuartean ditugun aukera guztiak mahai gainean jartzea izango da saio horren helburua; hurrengo fasean, gure proiektua definitzen joan ahal izateko, ikuspegi irekiera bat. Proiektuarekiko inolako konpromisorik hartu gabe, emakumeen etxeen gainean gehiago jakin nahi duen ororentzat entzuteko saio interesgarria izan daitekeelakoan gaude.