“Fantasmas familiares” de la mano de Quico Cadaval

Aurtengo Ahoz-Aho jaialdiko 'plater nagusietako bat' da Quico Cadaval (Ribeira, Galizia, 1960). 

Aktore, antzerkigile eta idazle izateaz gain, istorioak kontatzeko artearen erreferenteetako bat da Espainian eta Portugalen. Gurasoen tabernan hazteko zortea izan zuela dio berak, bertatik pasatzen ziren marinel, arrain saltzaile edota ferialarien istorio beldurgarriak bizi eta entzuteko aukera izan zuelako, eta txikitatik zaletu zen istorioak kontatzen, lanbide artistiko bat zela jakin gabe. 

Oñatin eskainiko duen “Fantasmas familiares” saioan Galizia bere jaioterriko istorioak kontatuko ditu, familiaren ahozko tradiziotik jasotako kontakizunak. (kontzejupetik)